Овој веб-сајт може да ви помогне да учите Математика позабавно и полесно!

Дали вие ќе можете да учите Математика тука? Дали овој начин ќе ви помогне?

Не се прашувајте повеќе! Пробајте на следниот начин:

Подолу имате претставено две видеа со математички информации кои му се добро познати на секој ученик кој завршил барем шесто одделение. Искористете ја приликата, погледнете едно од нив (или двете) и продолжете со читање на оваа страница во делот што се наоѓа под видеата.

Доколку ви се допадна начинот на кој може да учите или да се потсетите на претходно изучениот материјал по Математика слободно може да започнете со користење на овој веб-сајт како дополнително средство кое ќе ви помогне во изучувањето на Математика.

Предности кои ќе ги добиете!

1. Лесна навигација и пронаоѓање на материјали кои сакате да ги учите. Веб-сајтот има главно мени кои ги содржи сите одделенија од 6 до 9 основно образование и четирите години од средно образование. Секој може многу лесно да го лоцира потребниот материјал. Освен главното мени, на левата страна имате опција да одберете област од математика која ве интересира на пр. геометрија, тригонометрија итн.

2. Изобилство од примери! Ако на редовните часови еден ученик може да види 3-4 примери од решени задачи, овде може да видите барем неколку пати повеќе. Задачите се поделени по видови и нивоа.

3. Интересни илустрации кои сметам и се надевам дека ќе создадат дополнителна мотивација кај секој ученик или читател.

4. 99% од почетниот материјал е во видео форма што дозволува секој читател да вклучува и исклучува или пак да се враќа наназад онолку пати колку што му е потребно за да научи.

5. Достапност во секое време и на било која локација бидејќи сајтот може да се користи на секој компјутер, таблет или на секој мобилен уред.

6. Можност за самостојно учење независно од образовниот систем.

7. Самоотценување доколку се трудите да ги решите задачите со запирање на видеото во даден момент, па повторното вклучување ќе ви покаже дали сте во право или не.

8. Можност да се вратите назад во материјалот по Математика и да го надополните вашето знаење со нешто пропуштено за само една минута без да барате учебници по Математика од некое минато одделение или година.